Futbol üzrə Misli Premyer Liqasında V tura yekun vurulub.
Sportnet.az-ın məlumatına görə, turun son matçında "Zirə" "Qəbələ"ni qəbul edib. "Dalğa Arena"dakı qarşılaşma nominal meydan sahiblərinin 2:1 hesablı qələbəsi ilə başa çatıb.
Hesabı 35-ci dəqiqədə penaltini dəqiq yerinə yetirən qonaqların yarımmüdafiəçisi İsnik Alimi açıb. 10 dəqiqə sonra "qartallar"dan Rəhim Sadıxov tarazlığı bərpa edib. Matçda son nöqtəni də Azərbaycan millisinin üzvü qoyub. 74-cü dəqiqədə fərqlənən yarımmüdafiəçi yekun hesabı müəyyənləşdirib.
3 oyunluq qələbə həsrətinə son qoyan "Zirə" xallarını 7-yə çatdıraraq, 6-cı pilləyə yüksəlib. Ardıcıl 2-ci məğlubiyyətini alan "Qəbələ" isə 9 xalla 4-cü sırada qərarlaşıb.
Qeyd edək ki, V turun əvvəlki oyunlarında "Qarabağ" "Kəpəz"ə, "Turan Tovuz" "Şamaxı"ya 1:0, "Neftçi" "Sumqayıt"a 3:0 hesabı ilə qalib gəlib. "Sabah" - "Səbail" görüşü isə qolsuz heç-heçə ilə başa çatıb.
-----------------------------------------
Misli Premyer Liqasında V turun daha bir oyunu keçirilib.
Sportnet.az-ın məlumatına görə, "Sabah" "Bank Respublika Arena"da "Səbail"i qəbul edib. Görüş qolsuz heç-heçə ilə yekunlaşıb. Meydan sahibləri cari mövsümdə ilk dəfə xal itiriblər.
Bu nticədən sonra xallarını 13-ə çatdıran "Sabah" liderliyə yüksəlib. 5-ci xalını qazanan "Səbail" isə 6-cı sırada qalıb.
Qeyd edək ki, V turun əvvəlki 3 oyununda "Qarabağ" "Kəpəz"ə, "Turan Tovuz" "Şamaxı"ya 1:0, "Neftçi" isə "Sumqayıt"a 3:0 hesabı ilə qalib gəlib.Tura bu gün keçiriləcək "Zirə" – "Qəbələ" görüşü ilə yekun vurulacaq. 5-ci xalını qazanan "Səbail" isə 6-cı sırada qalıb.
------------------------------------------
Bu gün futbol üzrə Misli Premyer Liqasında V tura yekun vurulacaq.
Sportnet.az-ın məlumatına görə, sonuncu oyun günündə iki qarşılaşma keçiriləcək.
Günün ilk görüşündə "Sabah" "Səbail"i qəbul edəcək. Meydan sahibləri 12 xalla 2-ci, qonaqlar 4 xalla 6-cı pillədə qərarlaşıb. Komandalar indiyədək Premyer Liqada 15 dəfə üz-üzə gəlib. Bunların 7-də "Sabah", 5-də "dənizçilər" qələbə qazanıb. Topları nisbətində də meydan sahibləri üstündür - 18:13.
Günün ikinci matçında "Zirə" "Qəbələ" ilə üz-üzə gələcək. Bölgə təmsilçisi 9 xalla 4-cü, paytaxt klubu 4 xalla 7-ci sıradadır. Bu, tərəflərin çempionatda 28-ci görüşü olacaq. Əvvəlki oyunların 9-da "qırmızı-qaralar", 5-də "qartallar" meydanı 3 xalla tərk edib. Topların nisbətində "Zirə"nin üstünlüyü var - 32:22.
Azərbaycan Premyer Liqası
V tur
4 sentyabr
18:00 “Sabah” – “Səbail” - 0:0
Hakimlər: Nicat İsmayıllı, Pərvin Talıbov, Kamran Bayramov, Cavid Cəlilov
Hakim-inspektor: Orxan Məmmədov
“Bank Respublika Arena”
20:30 “Zirə” – “Qəbələ” - 2:1
Qollar: Rəhim Sadıxov, 45; 74 - İsnik Alimi, 35 (penalti)
Hakimlər: Rauf Cabarov, Cavanşir Yusifov, Müslüm Əliyev, Kamranbəy Rəhimov
Hakim-inspektor: Anar Salmanov
"Dalğa Arena"
Qeyd edək ki, turun əvvəlki qarşılaşmalarında "Qarabağ" səfərdə "Kəpəz"i, "Turan Tovuz "Şamaxı"nı eyni hesabla yenib - 1:0. "Neftçi" isə öz meydanında "Sumqayıt"ı darmadağın edib.
