Misli Premyer Liqasında VI tura yekun vurulub.
Sportnet.az-ın məlumatına görə, günün 2-ci oyununda "Qarabağ" "Sabah"ı qəbul edib.
"Azersun Arena"dakı qarşılaşma meydan sahiblərinin 4:3 hesablı qələbəsi ilə bitib.
Görüşdə hesab 29-cu dəqiqədə açılıb. "Köhlən atlar"ın heyətində Musa Qurbanlı fərqlənib. 33-cü dəqiqədə Emmanuel Apeh bərabərlik qoluna imza atıb. 43-cü dəqiqədə "Sabah"ın müdafiəçisi Abdulaye Ba 2-ci sarı vərəqəni alaraq meydandan qovulub.
Son ölkə çempionu 2-ci yarıya daha fəal başlayıb. 51-ci dəqiqədə Elvin Cəfərquliyev növbəti dəfə rəqibi mərkəzə dəvət edib. 60-cı dəqiqədə Coy Lens Mikels paytaxt təmsilçisinin 2-ci qolunu vurub. 69-cu dəqiqədə isə Aleksey Kaşuk meydan sahiblərini növbəti dəfə mərkəzə dəvət edib. 84 və 90+4-cü dəqiqələrdə Ramil Şeydayev penaltini dəqiq yerinə yetirib. 90+5-ci dəqiqədə "Sabah"ın baş məşqçisi Murad Musayev hakimə kəskin etiraz etdiyi üçün birbaşa qırmızı vərəqə alaraq meydandan qovulub.
Rəqiblərindən bir oyun az keçirən "Qarabağ" xallarının sayını 15-ə yüksəldib və "Neftçi"yə çatıb. 13 xala malik "Sabah" isə 3-cü sıradadır.
Qeyd edək ki, günün digər görüşündə "Sumqayıt" evdə "Şamaxı" ilə heç-heçə oynayıb - 1:1. Turun əvvəlki oyunlarında "Turan Tovuz" "Kəpəz"i 2:0, "Neftçi" səfərdə "Qəbələ"ni, "Zirə" isə "Səbail"i 2:1 hesabı ilə yenib.
-----------------------------
Misli Premyer Liqasında VI turun daha bir oyunu keçirilib.
Sportnet.az-ın məlumatına görə, günün ilk matçında "Sumqayıt" "Şamaxı"nı qəbul edib.
"Kapital Bank Arena"dakı qarşılaşma 1:1 hesabı ilə başa çatıb. Meydan sahiblərində 3-cü dəqiqədə Almir Aqanspahiç, qonaqlarda isə 45-ci dəqiqədə Bahadur Həziyev fərqlənib.
Xallarının sayını 3-ə çatdıran "gənclik şəhəri" təmsilçisi 8-ci, 2 xala malik Şamaxı klubu isə 9-cu pillədə qərarlaşıb.
Günün digər görüşündə "Qarabağ" "Sabah"ı qəbul edəcək.
Qeyd edək ki, turun əvvəlki oyunlarında "Turan Tovuz" "Kəpəz"i 2:0, "Neftçi" səfərdə "Qəbələ"ni, "Zirə" isə "Səbail"i 2:1 hesabı ilə yenib.
----------------------------
Bu gün Misli Premyer Liqasında VI turun son görüşləri keçiriləcək.
Sportnet.az-ın məlumatına görə, günün ilk matçında "Sumqayıt" və "Şamaxı" komandaları "Kapital Bank Arena"da üz-üzə gələcəklər. Saat 18:00-da başlanacaq oyunu baş hakim Fərid Hacıyev idarə edəcək.
İlk 5 turdan sonra qələbə qazana bilməyən komandalardan "Sumqayıt" 2 xalla 8-ci, "Şamaxı" 1 xalla 9-cu sırada yer alıb.
İki klub bu gün 40-cı dəfə qarşılaşacaq. Əvvəlki matçların 11-də "Sumqayıt", 17-də "Şamaxı" qalib gəlibsə, daha 11 görüş heç-heçə ilə yekunlaşıb. Topların nisbətində də "Şamaxı" öndədir - 55:41.
“Sumqayıt” "Şamaxı" ilə son 7 oyunda meydanı qolsuz tərk etməyib. Son 4 matçda 2 və ya daha çox qol qeydə alınıb.
Turun son matçı isə "Azersun Arena"da "Qarabağ" və "Sabah" komandaları arasında olacaq. Çimərlik futbolu üzrə FIFA referisi İnqilab Məmmədovun idarə edəcəyi qarşılaşma saat 20:30-da başlanacaq.
Hazırda "Sabah" 5 oyundan 13 xalla 2-ci, "Qarabağ" isə 4 görüşdən 12 xalla 3-cü pillədə qərarlaşıb. İndiyədək bu komandalar 15 dəfə üz-üzə gəliblər. Bunların 11-də "Qarabağ" qələbə qazanıbsa, 4 görüş heç-heçə ilə tamamlanıb. Topların nisbətində də Ağdam təmsilçisi xeyli öndədir - 29:6.
“Qarabağ” son 8 qarşılaşmada meydanı qolsuz tərk etməyib. “Sabah” isə indiyədək rəqibinə qalib gəlməyib.
Misli Premyer Liqası, VI tur
11 sentyabr (bazar)
18:00. “Sumqayıt” – “Şamaxı” - 1:1
Qollar: Almir Aqanspahiç, 3 (pen.) - Bahadur Həziyev, 45
Hakimlər: Fərid Hacıyev, Akif Əmirəli, Cavanşir Yusifov, Emin Əliyev
Hakim-inspektor: Ceyhun Haşımov
“Kapital Bank Arena”
20:30. “Qarabağ” – “Sabah” - 4:3
Qollar: Musa Qurbanlı. 29. Elvin Cəfərquliyev, 51. Ramil Şeydayev, 84 (p), 90+4 (p) - Emmanuel Apeh, 33. Coy Lens Mikels, 60. Aleksey Kaşuk, 69
Qırmızı vərəqə: Abdulaye Ba, 43 ("Sabah"). Murad Musayev ("Sabah")
Hakimlər: İnqilab Məmmədov, Namik Hüseynov, Rahil Ramazanov, Kamal Umudlu
Hakim-inspektor: Vüsal Əliyev
“Azersun Arena”
Qeyd edək ki, turun əvvəlki oyunlarında "Turan Tovuz" "Kəpəz"i 2:0, "Neftçi" səfərdə "Qəbələ"ni, "Zirə" isə "Səbail"i 2:1 hesabı ilə yenib.
