Qətərdə keçirilən dünya çempionatının D qrupunda ilk tura yekun vurulub.
Sportnet.az-ın məlumatına görə, qrupun 2-ci oyununda Fransa millisi Avstraliyanı darmadağın edib - 4:1.
Hesabı 9-cu dəqiqədə Kreyq Qudvinin vurduğu qolla avstraliyalılar açıblar. 27-ci dəqiqədə Adrian Rabyo tarazlığı bərpa edib. 32-ci dəqiqədə Olivye Jiru fransızları hesabda önə keçirib. 68-ci dəqiqədə Kilian Mbappe 3-cü dəfə rəqibi meydanın mərkəzinə dəvət edib. Son nöqtəni isə 71-ci dəqiqədə Jiru qoyub.
Bu nəticədən sonra Fransa yığması 3 xalla turnir cədvəlinə başçılıq edir. Danimarka və Tunis hərəyə 1 xalla 2-3-cü yerləri bölüşdürür. Xalı olmayan Avstraliya isə sonuncu sırada qərarlaşıb.
----------------------------
Qətərdə keçirilən dünya çempionatının C qrupunda ilk tura yekun vurulub.
Sportnet.az-ın məlumatına görə, qrupun 2-ci oyununda Meksika və Polşa yığmaları üz-üzə gəliblər. Qarşılaşmada hesab açılmayıb.
Qeyd edək ki, C qrupunun ilk matçında Səudiyyə Ərəbistanı gözlənilmədən Argentina millisinə qalib gəlib - 2:1. Hazırda turnir cədvəlinə 3 xalla ərəblər başçılıq edir. Meksika və Polşa hərəyə 1 xalla 2-3-cü yerləri bölüşdürür. Xalı olmayan Argentina seçməsi isə sonuncudur.
-----------------------------
Qətərdə keçirilən dünya çempionatının D qrupunda ilk tura start verilib.
Sportnet.az-ın məlumatına görə, qrupun açılış oyununda Danimarka millisi Tunisi sınağa çəkib.
"Edyukeyşn Siti" stadionunda oynanılan görüşdə qapılara qol vurulmayıb.
Qeyd edək ki, bu qrupun digər matçında son dünya çempionu Fransa Avstraliya ilə qarşılaşacaq. Bu gün keçiriləcək görüş Bakı vaxtı ilə saat 23:00-da başlayacaq.
------------------------------
Futbol üzrə Argentina millisi Qətərdə keçirilən dünya çempionatının C qrupunda ilk matçına çıxıb.
Sportnet.az-ın məlumatına görə, Lionel Skaloninin baş məşqçi olduğu komanda I turda Səudiyyə Ərəbistanı ilə üz-üzə gəlib.
Qarşılaşma Asiya təmsilçisinin 2:1 hesablı qələbəsi ilə bitib. Görüşdə hesabı cənubi amerikalılar açıblar. 10-cu dəqiqədə Lionel Messi penaltini dəqiq yerinə yetirib. İkiqat dünya çempionu fasiləyə öndə yollanıb.
Səudiyyə Ərəbistanı yığması fasilədən sonra gözlənilmədən iki qol vurub. 48-ci dəqiqədə Saleh Al Şehri tarazlığı bərpa edib. 53-cü dəqiqədə Salem Al Davsari komandasını önə keçirib.
Beləliklə, Argentina DÇ-2022-yə məğlubiyyətlə start verib. Qrupun digər oyununda Meksika və Polşa yığmaları münasibətlərə aydınlıq gətirəcək. Qarşılaşma Bakı vaxtı ilə saat 20:00-da başlayacaq.
-------------------------------
Qətərdə keçirilən futbol üzrə dünya çempionatında bu gün daha 2 qrupda mübarizəyə start veriləcək.
Sportnet.az-ın məlumatına görə, günün ilk matçı C qrupunda baş tutacaq. Mundialın favoritlərindən hesab olunan Argentina millisi Səudiyyə Ərəbistanı ilə qarşılaşacaq. Bu qrupun digər matçında Meksika yığması Polşanı sınağa çəkəcək.
D qrupunda Danimarka seçməsi Tunislə, Fransa isə Avstraliya ilə münasibətlərinə aydınlıq gətirəcək.
Dünya çempionatı
22 noyabr
C qrupu
14:00. Argentina - Səudiyyə Ərəbistanı - 1:2
Qollar: Lionel Messi, 10 (p) - Saleh Al Şehri, 48. Salem Al Davsari, 53
Baş hakim: Slavko Vinçiç (Sloveniya)
"Lusail" stadionu
20:00. Meksika - Polşa - 0:0
Baş hakim: Kris Bit (Avstraliya)
İstifadə edilməyən penalti: Robert Levandovski, 58 (Polşa)
"Stadion 974"
Xal durumu: Səudiyyə Ərəbistanı - 3, Meksika - 1, Polşa - 1, Argentina - 0
D qrupu
17:00. Danimarka - Tunis - 0:0
Baş hakim: Sesar Arturo Ramos
"Edyukeyşn Siti" stadionu
23:00. Fransa - Avstraliya - 4:1
Qollar: Adrian Rabyo, 27. Olivye Jiru, 32; 71. Kilian Mbappe, 68 - Kreyq Qudvin, 9
Baş hakim: Viktor Qomes (Cənubi Afrika Respublikası)
"Əl-Canub" stadionu
