Bu gün AFFA İntizam Komitəsinin iclası keçirilib.
Sportnet.az xəbər verir ki, iclasda AFFA-nın bayrağı altında keçirilən müxtəlif yarışlarla bağlı aşağıdakı qərarlar qəbul olunub.
U-16 Liqasının İFA – “Kəpəz” PFK oyununda İFA-nın futbolçuları Yəhya Şahverdiyev və Sübhan Bədəlov, həmçinin “Kəpəz”in futbolçusu İsmayıl Hüseynovla Elxan Məmmədov oyun bitdikdən sonra bir-birilərini yumruq və təpiklə vurduqlarına görə qırmızı vərəqə ilə cəzalandırıldıqları üçün hər biri 6 oyun diskvalifikasiya olunub.
U-16 Liqasının “Zirə” PFK – “Qəbələ” İK oyununda “Qəbələ”nin futbolçusu Rəsul Babayev kobud oyuna görə qırmızı vərəqə ilə meydandan kənarlaşdırıldığı üçün 2 oyun cəzalandırılıb.
