"Rio-2016"da qızıl medal qazanmış rusiyalı idmançı Aleksandr Lesun futbolla bağlı maraqlı açıqlama verib. Sportnet.az-ın məlumatına görə, beşnövçülük yarışlarında iştirak edən Lesun rusiyalı futbolçuların çox pul qazanmasından danışıb.
Olimpiya çempionu bunu başa düşmədiyini bildirib: "Futbola baxmıram. Daha doğrusu Rusiya futboluna baxmıram. Ancaq İngiltərə, İspaniya futboluna baxıram. Bu qədər pul alıb belə oynamağı başa düşmürəm. Yüksək pullar qazanırlar, amma yüksək səviyyədə oyun göstərmirlər. Bu mənim üçün anlaşılmaz bir şeydir".
