Bu gün "Araz" futzal klubu UEFA kubokunun elit-raundunda mübarizəyə başlayıb. Sportnet.az-ın məlumatına görə, Azərbaycan çempionunun noyabrın 27-dək Xorvatiyada davam edəcək qrup yarışmasında ilk rəqibi meydan sahibi olub. Bu, Zaqrebi təmsil edən "Nasional" idi.
Naxşıvan təmsilçisi mübarizəyə məğlubiyyətlə başlayıb. Otnda hər 3 qol son dəqiqələrdə vurulub. "Araz"ın gücü son saniyələrdə təsəlli qolunu vurmağa çatıb.
"Araz"ın "Dördlər finalı"na vəsiqə verən qrup qalibi uğrunda mübarizədə digər rəqibləri "Uqra Yuqorsk” (Rusiya) və Hamburq” (Almaniya) olacaq. Komandamız ikinci matçını bu gün Bakı vaxtiə saat 21:00-da "Uqra Yuqorsk"la keçirəcək. Ruslar ilk oyunda "Hamburq"u 4:0 hesabı ilə məğlub eidb.
Futzal, UEFA kubokunun elit-raundu
Qrup mərhələsi, I tur
23:30. "Nasional" (Zaqreb, Xorvatiya) - "Araz" (Naxçıvan, Azərbaycan) - 2:1
Qol: Tihomir Novak, 36, 40 - Fineo, 40
Sarı vərəqə: Fineo 30, Everton Kardoso 33 (hər ikisi "Araz")
Hakimlər: Eduardo Fernandes Koelyo (Portuqaliya), Qabriel German (Rumıniya)
