"Qazanılan nəticələrə görə hamımız sevinirik. Qrupu istədiyimiz kimi lider başa vurduq. Uğurlu nəticələrə layiq komandayıq. Ümidvaram ki, hamını sevindirə bildik". Bunu Sportnet.az-a açıqlamasında milli komandamızın üzvü Vassura deyib.
O, Avropa çempionatının final mərhələsinə vəsiqə qazandıqlarına görə mükafat alacaqlarını da bildirib: "Bu tam olaraq Azərbaycan millisidir. Bu yarısı braziliyalı, yarısı azərbaycanlı komandası deyil. Tək komandamız var, adı Azərbaycandır. Azərbaycanlı oyunçular çox yaxşı səviyyədədir. Onlar həm də yaxşı insandılar, bizə hər zaman kömək olurlar. Bəli, bu uğurlu nəticəyə görə bizə mükafat vəd ediblər. Nə qədər olacağını bilmirəm. Düşünürəm ki, 100 milyon manat verərlər(gülür)
Avropa çempionatına yaxşı hazırlaşırıq. İstəyirik ki, uğurlu nəticələr qazanaq. Dünya çempionatında ilk dəfə çıxış etdik və uğurlu oynadıq. Biz bütün komandanı keçə bilərik”.
