Bu gün "Kəpəz” Türkiyədəki təlim-məşq toplanışını başa vuraraq vətənə qayıdır.
Sportnet.az-ın məlumatına görə, komanda Ərzurumda olduğu 10 gün ərzində gündə iki dəfə məşq edib. Futbolçular fiziki, texniki və taktiki çalışmalar üzərində işləyib.
Ərzurum hazırlığı dövründə "sarı-göylər” 3 yoxlama oyunu keçiriblər. Gəncə klubuTürkiyənin 1-ci Liqa təmsilçiləri ilə qarşılaşıb. "Kəpəz” ilk oyunda "Samsunspor” (1:2), daha sonra "Ankaragücü”nə (0:2) uduzub. Son yoxlama matçında isə "Elazığspor”la (0:0) heç-heçə edib.
Qeyd edək ki, "Kəpəz” artıq 3 ildir ki, mövsüm öncəsi yay təlim-məşq toplanışını Ərzurumda keçirir. Komanda bu dəfə də Türkiyəni xoş təəssüratlarla tərk edir.
