İpaniyanın Valladolid şəhərində batut gimnastikası, tamblinq və ikili mini-batut üzrə Dünya Kuboku keçirilib.
Sportnet.az xəbər verir ki, yarışda Azərbaycanı batut gimnastikası və tamblinq növlərində İlya Qrişunin, Oleq Piunov, Ruslan Ağamirov və Mixail Malkin təmsil edib.
Tamblinqçi Mixail Malkin final hərəkətlərini icra edərkən zədə alaraq, yarışları dayandırmaq məcburiyyətində qalıb. Avropa çempionu 28 noyabr - 1 dekabrda Yaponiyanın paytaxtı Tokioda keçiriləcək dünya çempionatında iştirak edə bilməyəcək.
Batutçular isə çıxışları zamanı yol verdikləri səhvlərə görə final mərhələsinə adlaya bilməyiblər.
