"Say konkret olaraq dörd nəfərdir. Hazırda o idmançılarla, hansılarla razı deyiliksə, vəkil vasitəsi ilə bu işləri aparmağa başlamışıq". Sportnet.az-ın məlumatına görə, bunu gənclər və idman naziri Azad Rəhimov Beynəlxalq Ağırlıqqaldırma Federasiyası İcraiyyə Komitəsinin iclasında Azərbaycan ağırlıqqaldıranlarının 2016-cı il Rio-de-Janeyro Yay Olimpiya Oyunlarına qazanılan lisenziyadan məhrum edilməsi ilə bağlı qərarına münasibət bildirərkən deyib.
Nazir məsələ ilə bağlı işin getdiyini və Olimpiya Komitəsindən son qərarla bağlı məktub gözlədiklərini söyləyib: "İstəyərdik ki, yüksək nailiyyət qazanan idmançılar Rio-2016-da iştirak etsin".
Qeyd edək ki, Beynəlxalq Ağırlıqqaldırma Federasiyası İcraiyyə Komitəsinin Gürcüstanın paytaxtı Tbilisidə keçirilən iclasında qəbul olunan qərara əsasən olimpiadaya hazırlıq dövründə dopinq-testlərin dəfələrlə müsbət nəticə verməsi səbəbindən, Azərbaycanın əlindən 2 lisenziyası (1 kişi, 1 qadın atlet) geri alınıb. Nəticədə ölkəmiz Rio-2016-da cəmi 3 kişi atletlə mübarizə aparacaq.
