Braziliyanın Rio-de-Janeyro şəhərində keçirilən XXXI Yay Olimpiya Oyunlarında iştirak edən Azərbaycan idmançıları, rəsmiləri və idman ictimaiyyətinin nümayəndələri sabah Bakıya qayıdacaq. Bakı şəhər Gənclər və İdman Baş İdarəsinin Mətbuat Katibliyindən Sportnet.az-a verilən məlumata görə, çarter reysi ilə yola düşəcək nümayəndə heyəti saat 18:20-də Heydər Əliyev adına Beynəlxalq Hava Limanında olacaq.
Bununla əlaqədar qeyd olunan tarixdə qalib və mükafatçı olimpiyaçıların milli musiqi və rəqs qrupları, könüllülər, idman ictimaiyyəti və idmançıların valideynlərinin iştirakı ilə təntənəli qarşılanma mərasimi keçiriləçək.
Qeyd edək ki, Azərbaycan "Rio-2016"da 1 qızıl, 7 gümüş və 10 bürünc medal qazanıb.
