Bakının AZAL klubu Moldova millisinin qapıçısı Stanislav Namaşko ilə münasibətlərini rəsmiləşdirib. Bu barədə Sportnet.az-a klubun vitse-prezidenti Fikrət Hüseynov məlumat verib.
Onun sözlərinə görə, 28 yaşlı qolkiperlə 2 illik müqavilə imzalanıb.
Qeyd edək ki, Moldovanın "Tiraspol", "Şerif", "Kuban", Rusiyanın "Spartak", (Nalçik) və "Volqar" kimi klubların qapısını qorumuş Stanislav Namaşkonun son komandası "Dinamo-Avto" olub. AZAL isə ötən mövsüm Topaz Premyer Liqasını 8-ci pillədə başa vurub.
