"Bakı"dan ayrılan Azərbaycan milli komandasının futbolçusu Cavid Hüseynov "İnter"lə münasibətlərini iyulun 6-da aydınlaşdıracaq. Bu barədə Sportnet.az-a Hüseynovun özü məlumat verib.
Azad agent statusuna malik 26 yaşlı yarımmüdafiəçi artıq "bankirlər"lə ilkin razılığın əldə olunduğunu və qalan xırda məsələlərin sabah həllini tapacağını vurğulayıb.
Qeyd edək ki, Cavid Hüseynov karyerası ərzində MOİK, "Turan", Olimpik", "İnter", "Neftçi", həmçinin Türkiyə "Adana Dəmirspor"unun da formasını geyinib. "Bakı"da yaranan maliyyə problemləri ilə əlaqədar o, bir neçə gün öncə qarşılıqlı razılaşma əsasında klubla müqaviləsini pozub.
