Azərbaycan millisinin futbolçusu Əfran İsmayılov "Bakı"dan transfer vərəqəsini alıb. Bu barədə Sportnet.az-a yarımmüdafiəçinin özü məlumat verib.
26 yaşlı yarımmüdafiəçi transfer vərəqəsini götürdüyünü bildirib: "AFFA rəhbərliyinə təşəkkür edirəm, bu işdə çox kömək etdilər. Artıq azad agentəm. "Bakı"dan tamamilə ayrılmışam".
İsmayılov bir neçə gün öncə transfer vərəqəsi olmadığı üçün Türkiyə klubları ilə dəqiq danışa bilmədiyini söyləyib. Millinin üzvü qardaş ölkənin I Liqasına getməyəcəyini deyib: "Təxminən 20 gün əvvəl cavab verməli idim. Bəzi klublarla danışıqlar gedir. Super Liqa komandası olsa, gedəcəyəm, I Liqa klubu olsa, Azərbaycanda qalacağam. Burda isə maraqlananlar liddialı komandalardır. Mənim üçün ən əsası transfer vərəqəsini almaq idi".
Sonda isə 26 yaşlı futbolçu "Xəzər Lənkəran"la adının yanaşı çəkilməsindən də söz açıb: "Xəzər Lənkəran" iddialı klublardandır. Bu variantın alınması daha realdır".
