Transfer çalışmalarını davam etdirən AZAL klubu 2 ukraynalı və 1 iranlı futbolçunu heyətdə görmək istəyir. Sportnet.az-ın əldə etdiyi məlumata görə, Vladislav Çeçelenko, Valeri Kutsenko və Mohammad Hosseyn Mehrazma artıq "təyyarəçilər"in düşərgəsindədir.
Onlar bir neçə gün öncə Tərlan Əhmədovun başçılıq etdiyi komandanın məşqlərinə qoşulublar.
Valeri Kutsenko karyerası ərzində Ukraynanın "Kremen", "Dnepr", "Obolon", "Krivbass" və Belarusiyanın "Brest" klublarının şərəfini qoruyub. 27 yaşlı dayaq yarımmüdafiəçisi sonuncu klubu Belarus "Minsk"i olub.
Vladislav Çeçelenko Ukrayna "Dnepr"inin uğurları üçün çalışıb. 21 yaşlı futbolçu hücumçu mövqeyində çıxış edir.
Mohammad Hosseyn Mehrazma əvvəlcə İranın "Neft Tehran" klubunda çıxış edib. 26 yaşlı sol cinah yarımmüdafiəçisinin sonuncu klubu "Traktorsazi" olub.
