Polşanın Katovitse şəhərində keçirilmiş Avropa Voleybol Konfederasiyasının (CEV) XLII Baş Assambleyasından bir neçə gün sonra Avropa Voleybol ailəsi yenidən bir araya gəlib.
Sportnet.az xəbər verir ki, Sloveniyanın paytaxtı Lyublyana şəhərinin ev sahibliyi ilə 2021 Avropa Voleybol Qalası təşkil olunub. Tədbirdə CEV-in İdarə heyətinin üzvü, Azərbaycan Voleybol Federasiyasının (AVF) baş katibi Cəlil Cəfərov iştirak edib.
2021 Avropa Voleybol Qalasında qadınlar və kişilər arasında CEV Çempionlar Liqasının püşkatma mərasimi keçirilib. Püşkatmada qruplar isveçrəli voleybol ulduzu Coana Haydrix və italiyalı Paola Eqonunun köməyi ilə müəyyənləşib.
