"Qəbələ" klubunun futbolçusu Sergey Zenyov Estoniya yığmasının heyətində növbəti oyununu keçirib. Sportnet.az-ın məlumatına görə, 26 yaşlı hücumçu Litva ilə AVRO-2016-nın seçmə qrup mərhələsinin VII tur matçında start heyətində meydana çıxıb.
Zenyovun əvəzlənmədən çıxış etdiyi görüşdə komandası 1:0 hesabı ilə qalib gəlib. Yeganə qolu 71-ci dəqiqədə Konstantin Vasilyev vurub. "Qəbələ"nin hücumçusu isə qolun vurulmasında fəal iştirak edib. Litva millisinin heyətində isə "Bakı"nın sabiq yarımmüdafiəçisi Deyvidas Çesnauskis 79 dəqiqə meydanda olub.
Qeyd edək ki, bu qələbədən sonra Estoniya millisi E qrupunda xallarını 10-a çatdıraraq, 3-cü pilləyə yüksəlib.
