Avropa Millətlər Kubokunda Azərbaycan güləşçisi Ali Maqomedabirovun belaruslu pəhləvan İvan Yankovskiylə güləşi zamanı baş verən davanın görüntüləri yayılıb. Sportnet.az-ın məlumatına görə, dava A.Maqomedabirovun 4:3 hesabı ilə irəlidə olduğu zaman baş verib.
125 kq çəkidə gedən mübarizədə gözlənilmədən güləşçilər bir-birlərinə yumruq zərbələri endirməyə başlayıb. Qısa zamanda məşqçilər heyətinin araya girməsi nəticəsində dava böyümədən tərəflər aralaşıb.
Hər iki idmançı yarışdan diskvalifikasiya olunub və yarışın nəticəsi ləğv edilib.
Qeyd edək ki, Azərbaycan Belarus yığması ilə qrup mərhələsində üz-üzə gəlib və 6:1 hesablı qələbə qazanıb.
