"Euro Club İndex" Avropa futbol klublarının yeni reytinq siyahısını açıqlayıb. Sportnet.az-ın məlumatına görə, 707 komandanın daxil edildiyi siyahıdakı klublardan 10-u Azərbaycana məxsusdur. Ağdamın "Qarabağ" klubu əvvəlki siyahı ilə müqayisədə 2 pillə geriləyərək, 221-ci mövqeyə enib. Amma komandanın aktivində yenə 1883 xal var. 5 pillə və 24 xal geriləyən Bakı "İnter"i 1764 xalla 255-ci pillədə qərarlaşıb. Aktivinə daha 8 xal yazdıran "Qəbələ" 1546 xalla 330-cu, 2 pillə və 7 xal geriləyən "Neftçi" 1531 xalla 333-cüdür.
Azərbaycanın siyahıdakı qalan 6 təmsilçisi sırasında 2014-2015-ci il mövsümünü yarımçıq tərk etmiş "Araz Naxçıvan" da var:
399 (-1). "Xəzər Lənkəran" - 1348 (-3)
402. "Simurq" (Zaqatala) - 1345 (+3)
409 (-1). AZAL (Bakı) - 1330 (+7)
428 (-1). "Bakı" - 1266 (-7)
460 (+12). "Sumqayıt" - 1177 (+24)
539. "Araz Naxçıvan" - 940
Qeyd edək ki, siyahıda ilk 4 klubdan 3-ü İspaniya təmsilçisidir. "Barselona" 4519 xalla 1-ci, 4340 xala malik "Real Madrid" 2-ci, 3891 xalı olan "Atletiko" 4-cü pillədədir. 3-cü pillə isə 3955 xala malik Almaniya "Bavariya"sına məxsusdur.
