Hazırda Türkiyəni təmsil edən əslən azərbaycanlı atlet Ramil Quliyevin 2016-cı il Rio-de-Janeyro Yay Olimpiya Oyunlarında yarışacağı növlər müəyyənləşib. Sportnet.az-ın məlumatına görə, 26 yaşlı sprinter 3 medal uğrunda mübarizə aparacaq.
O, 100 metr və 200 metr məsafələrə qaçış və 4X100 metr estafetində iştirak edəcək.
Qeyd edək ki, "Rio-2016"da Türkiyəni 103 idmançı təmsil edəcək. Onlardan 31-i atletika növündə yarışacaq ("Report").
