Rusiyalı boksçu Yaroslava Yakuşina həmkarları Anastasiya Belyakova və Sayana Saqataeva ilə birgə "Bakı 2015" I Avropa Oyunlarında favorit olduqlarını bildirib. Sportnet.az-ın məlumatına görə, "Vestnik Kavkaza"a müsahibə verən qadın döyüşçü heç bir rəqibi özlərindən güclü hesab etmədiklərini və özlərini favorit hesab etdiklərini deyib.
Oyunlara yaxşı hazırlaşdıqlarını deyən Yakuşina Bakıda keçiriləcək yarışda qələbə qazanmaq üçün iştirak edəcəklərini söyləyib. Yarışların kifayət qədər çətin olacağını bildirən Saqataeva isə Avropa Oyunlarında zəif heyətin qələbə qazana bilməyəcəyini deyib: "Biz, Avropa Oyunlarda iştirak etmək üçün ciddi seçim mərhələsindən keçmişik. Buna səbəb isə səkkiz çəki dərəcəsinə sadəcə səkkiz nəfərin düşməsidir".
Qeyd edək ki, I Avropa Oyunlarında boks üzrə yarışlar 25, 26, 27-də keçiriləcək.
