Argentina yığmasının hücumçusu Lionel Messi DÇ-2014-ün finalına çıxmaları münasibəti ilə azarkeşlərini təbrik edib. Sportnet.az-ın məlumatına görə, İspaniya "Barselona"sının ulduzu bütün argentinalıları bağrına basdığını bildirib.
O, bu bayramın bir hissəsi olduğuna görə fəxr etdiyini söyləyib: "Bu, inanılmzadır, vəssalam! Bu cür oyun, bu, ağlasığmazdır! Biz finaldayıq. Sevinin, zövq alın! Arzularımızın reallaşması üçün kiçicik bir addım atmağımız qalıb".
Qeyd edək ki, yarımfinalda penalti seriyasında Hollandiyanı məğlub edən Argentina millisi həlledici görüşdə Almaniya ilə üz-üzə gələcək.
