Rusiyanın Kaspiysk şəhərindəki güləş üzrə Avropa çempionatında Azərbaycanı hakimlər də təmsil edir.
Sportnet.az-ın məlumatına görə, I-S kateqoriyalı hakimlər Hicran Şərifov və İntiqam Alıyevlə yanaşı, I kateqoriyalı Asif Şirəliyev də görüşlərin idarə edilməsində iştirak edir.
Onların arasında ən təcrübəlisi Şərifovdur. O, üç Olimpiya Oyunlarında yer almış yeganə güləş hakimidir və 2012-ci il London Yay Olimpiya Oyunlarında "Qızıl Fit" mükafatına layiq görülüb.
Alıyev ötən il keçirilmiş nəzəri və praktiki imtahanlardan uğurla keçərək I-S kateqoriyasına yüksəlib.
Şirəliyev həm də I-S kateqoriyasını almaq üçün imtahanda iştirak edir. İmtahandan uğurla keçəcəyi təqdirdə Azərbaycanın 3 nəfər I-S (Olimpiya) kateqoriyalı hakimi olacaq.
