Azərbaycanın yunan-Roma güləşi üzrə yeniyetmələr və kiçik yaşlı yeniyetmələrdən ibarət yığma komandaların məşqçilər korpusunda dəyişiklik edilib.
Sportnet.az xəbər verir ki, yeniyetmələrin Avropa və Dünya çempionatında yığma komanda üzvlərinin imkanlarından aşağı səviyyədə iştirakları səbəbindən böyük məşqçi Bəhram Mürvətov, məşqçilər İslam Cəfərov və Fuad Əliyev tutduğu vəzifədən azad edilib. Taleh İsrafilov yığma komandanın böyük məşqçisi, Nazim Əhmədov və Rasim Ağayev isə məşqçi təyin edilib.
Bundan başqa, kiçik yaşlı yeniyetmələrdən ibarət yığma komandanın böyük məşqçisi Əfsər Namazəliyev işdə yol verdiyi nöqsanlara görə vəzifəsindən azad edilib, Əbülfət Məmmədov və İlham Vəzirov bu yaş qrupundan olan yığmaya məşqçi təyin edilib.
