Rumıniyanın paytaxtı Buxarestdə uşu üzrə 15-ci Avropa Çempionatı keçirilib. Sportnet.az-ın məlumatına görə, çempionatda Azərbaycanı 6 idmançı, 1 hakim və 1 məşqçı-rəhbər təmsil edib.
Milli komandamız yarışı 2 qızıl, 2 gümüş medalla başa vurub. Yeniyetmələr arasında İsa Bayramov (48 kq) və kişilər arasında Elçin Eminov (56 kq) qızıl medal qazanıblar. Taleh Əliyev (60 kq) və Məhəmməd Rüstəmli (80 kq) isə yeniyetmələr arasında gümüş medala sahib olub.
Daha bir diqqətçəkən məqam odur ki, Avropa Uşu Federasiyanının Kongresində Azərbaycan Uşu Federasiyasının prezidenti Azər Həsənsoy uşunun inkişafında göstərdiyi xidmətlərə görə "1-ci dərəcəli Avropa uşu medalı" ilə təltif olunub. Həsənsoy və federasiyanını baş katibi Afət Həsənova Buxarestdə Heydər Əliyevin 91-ci dogum gününə həsr edilmiş tədbirlərə də qatılıb.
