Macarıstanın paytaxtı Budapeştdəki dünya çempionatında 79 kq çəki dərəcəsində mübarizə aparan sərbəst güləşçi Cəbrayıl Həsənov bu gün final görüşünə çıxıb.
Sportnet.az-ın məlumatına görə, Azərbaycan təmsilçisi finalda amerikalı Kayl Duqlas Deykla qarşılaşıb. Həsənov 0:2 hesabı ilə məğlub olaraq gümüş medal qazanıb.
Qeyd edək ki, ikinci yarış günündə 1/8 finaldan mübarizəyə qoşulan Cəbrayıl Həsənov çətinlik çəkmədən Puerto Riko idmançısına qalib gəlib. Azərbaycan yığmasının kapitanı 1/4 finalda Belarus təmsilçisi üzərində də inamlı qələbə qazanaraq yarımfinala adlayıb Finalın bir addımlığında Həsənov əsl əzmkarlıq nümayiş etdirib. İranlı güləşçi 3:0 hesabı ilə önə keçsə də, son yarım dəqiqədə möhtəşəm geridönüş edən güləşçi karyerasında ilk dəfə finala yüksəlib.
----
Azərbaycan sərbəst güləşçisi Cəbrayıl Həsənov Macarıstanın paytaxtı Budapeştdə keçirilən dünya çempionatında finala yüksəlib.
Sportnet.az-ın məlumatına görə, 28 yaşlı pəhləvan 79 kq çəki dərəcəsində həlledici qarşılaşmada iştirak hüququna yiyələnib. Mübarizəyə 1/8 finaldan başlayan Həsənov əvvəlcə puerto rikolu Etan Adrian Ramosu 14:5, ardından belaruslu Əli Şabanovu 6:2, yarımfinalda isə 3:3 hesablı heç-heçəyə rəğmən sonuncu xalları özü qazandığı üçün iranlı İzzətullah Abbas Əkbərizarinkolayini üstələyib.
Karyerasında ilk dəfə dünya çempionatının finalına yüksələn təcrübəli güləşçinin son rəqibi ABŞ təmsilçisi Kayl Duqlas Deyk olacaq. Görüş oktyabrın 22-də keçiriləcək.
Digər güləşçilərə gəldikdə, Georgi Edişeraşvili 1/4 finalda, 3 qat dünya və ikiqat Avropa çempionu Hacı Əliyev, eləcə də olimpiya və dünya çempionu Şərif Şərifov ilk görüşdəcə uduzaraq, mübarizəni dayandırıb.
Dünya çempionatı
57 kq
1/4 final. Georgi Edişeraşvili - Tomas Gilman (ABŞ) - 0:4
1/8 final. Georgi Edişeraşvili - Sandip Tomar (Hindistan) - *2:2
Təsnifat. Georgi Edişeraşvili - Kumsonq Kanq (KXDR) - 11:6
65 kq
Təsnifat. Hacı Əliyev - Alexandro Valdes Tobyer (Kuba) - 0:2
79 kq
FİNAL. Cəbrayıl Həsənov - Kayl Duqlas Deyk (ABŞ) - 0:2
1/2 final. Cəbrayıl Həsənov - İzzətullah Abbas Əkbərizarinkolayi (İran) - *3:3
1/4 final. Cəbrayıl Həsənov - Əli Şabanov (Belarus) - 6:2
1/8 final. Cəbrayıl Həsənov - Etan Adrian Ramos (Puerto Riko) - 14:5
92 kq
1/8 final. Şərif Şərifov - Əlirza Məhəmməd Kərimimaçiani (İran) - 0:7
Qeyd edək ki, daha əvvəl sərbəst güləşçi Abubakr Abakarov (74 kq) 7-ci yeri tutub.