Azərbaycan kubokunun final matçından öncə "Qarabağ" azarkeşləri ilə Peşəkar Futbol Liqasının Hakim və Hakimlərə Nəzarət Komitəsinin sədri Elçin Məmmədov arasında yaşanan insidentə aydınlıq gəlib. Hadisənin detalları ilə bağlı Məmmədov Sportnet.az-a danışıb.
O, bildirib ki, qalmaqal anlaşılmazlıq ucbatından baş verib: "Azarkeşlər pankartlarını reklam bannerlərinin üzərinə asırdılar. Bununla bağlı onları məlumatlandırdıq. Sadəcə azarkeşlər bizi anlamadı. Fan-klub rəhbəri ilə danışdıq və vəziyyəti izah etdik. Sonra onlar pankartlarını söküb yuxarıdan vurdular. Hər şey qaydasındadır".
Qeyd edək ki, "Qarabağ" - "Neftçi" qarşılaşması 3:1 hesabı ilə başa çatıb və Ağdam təmsilçisi Azərbaycan kubokunu qazanıb.
