Almaniyanın "Borussiya" (Dortmund) komandasına məxsus "Signal İduna Park" stadionuna girən azarkeş saxlanılıb. Sportnet.az-ın məlumatına görə, 25 yaşlı naməlum kişinin meydanda təkbaşına futbol oynaması Şimali Reyn-Vestfaliya polisinin nəzərindən yayınmayıb.
Üstəlik, tutulan şəxs lüt olub. O, projektorların yanması nəticəsində yaranan isti səbəbindən soyunduğunu bildirib.
Qeyd edək ki, Dortmund "Borussiya"sı Avropa Liqasında "Qəbələ" ilə eyni qrupda mübarizə aparıb. İki komanda arasında "Signal İduna Park"dakı qarşılaşmada meydan sahibləri qalib gəlib - 4:0.
