Bu gün Azərbaycan Premyer Liqası və I divizion klublarının iştirakı ilə təşkil olunan "CBC Sport Kubok"unda növbəti oyun keçirilib. "Report"un məlumatına görə, turnirin ikinci yarış günündə I divizionun 2 komandası üz-üzə gəlib.
"Bayı Arena"da keçirilən qarşılaşmada "Neftçala" və "Şərurspor" komandaları 2:2 hesablı heç-heçəyə razılaşıblar. "Neftçala”dan qolları Aqşin Muxtaroğlu və Anar Babayev vurub. "Şərurspor”dan isə Rəhman Musayev dubl edib. Dünən keçirilmiş açılış oyununda "Neftçi" AZAL-ı 1:0 hesabı ilə məğlub edib.
Qeyd edək ki, turnirdə Azərbaycan Premyer Liqasından "Neftçi" və AZAL, I diviziondan isə MOİK, "Neftçala" və "Şərurspor" klubları iştirak edir.
