Futbol üzrə Avropa Liqasında 1/8 finalın ilk oyunları keçirilib. Sportnet.az-ın məlumatına görə, 8 qarşılaşma 2 müxtəlif saatda keçirilib. İlk matçlar qonaqlar üçün uğursuz alınıb. Belə ki,
səfərdə çıxış edən komandaların heç biri qalib gələ bilməyib.
Türkiyənin avrokuboklarda yeganə təmsilçisi "Fənərbağça” yenə evdə qalib gəlib. Ancaq bu dəfə qələbə minimal hesabla, çətinliklə əldə olunub. Ən maraqlı oyunlar, finala bərabər sayılan 2 cütdə qalib böyük ölçüdə müəyyənləşib. Dortmund "Borussiya”sı "Tottenhem”ə böyük hesabla qalib gəlməklə səfər matçını demək olar formallığa çevirib. İngiıtərə derbisində isə "Liverpul” evdə "Mançester Yunayted” üzərində inamlı qələbə qazanıb.
Avropa Liqası, 1/8 final mərhələsi, ilk oyunlar
22:00. "Borussiya" (Dortmund, Almaniya) - "Tottenhem" (İngiltərə) - 3:0
Qollar: Pyer-Emerik Obameyanq, 30, Marko Roys, 61, 70
Dortmund. "Siqnal iduna Park"
22:00. "Şaxtyor" (Ukrayna) - "Anderlext" (Belçika) - 3:1
Qollar: Tayson, 21, Aleksandr Kuçer, 24, Eduardo, 80 - Frank Açeamponq, 70
Lvov. "Lvov Arena"
22:00. "Bazel" (İsveçrə) - "Sevilya" (İspaniya) - 0:0
Bazel. "Sankt Yakob Park"
22:00. "Fənərbağça" (Türkiyə) - "Braqa" (Portuqaliya) - 1:0
Qol: Mehmet Topal, 82
İstanbul. Şükrü Saracoğlu Stadionu
00:05. "Liverpul" (İngiltərə) - "Mançester Yunayted" (İngiltərə) - 2:0
Qollar: Daniel Starric, 20-pen, Firminyo, 74
Liverpul. "Enfild" Stadionu
00:05. "Atletik" (İspaniya) - "Valensiya" (İspaniya) - 1:0
Qol: Raul Qarsiya, 20
Bilbao. "San-Mames" Stadionu
00:05. "Vilyarreal" (İspaniya) - "Bayer" (Almaniya) - 2:0
Qollar: Sedrik Bakambu, 4, 56
Vilyarreal. "El Madriqal" Stadionu
00:05. "Sparta" (Çexiya) - "Latsio" (İtaliya) - 1:1
Qollar: Martin Fridek, 13 - Marko Parolo, 38
Praqa. "Letna" Stadionu
Qeyd edək ki, cavab görüşləri martın 17-də keçiriləcək.
