Son mövsümü Türkiyənin "Eskişehirspor" klubunun heyətində keçirən Necati Ateş "Kayseri Erciyesspor"la müqavilə imzalayıb. Sportnet.az-ın məlumatına görə, 34 yaşlı hücumçu 2 il müddətinə Kayseri təmsilçisinin formasını geyinəcək.
Acıbadem Kayseri xəstəxanasında müayinədən keçən Ateş daha sonra yeni klubu ilə münasibətləri rəsmiləşdirib.
Qeyd edək ki, Necati Ateş karyerası ərzində Türkiyənin "Qalatasaray", "Antalyaspor", "İstanbul BB, "Eskişehirspor" və İspaniyanın "Real Sosedad" klublarının şərəfini qoruyub.
