Fransada keçiriləcək futbol üzrə Avropa çempionatının rəsmi mahnısı hazırlanıb. Sportnet.az-ın məlumatına görə, mahnı məşhur müğənni David Quetta tərəfindən hazırlanıb.
İsveçli müğənni Zara Larssonun da yer aldığı mahnı xüsusi tətbiqetmə vasitəsilə dünya üzərində 1 milyon azarkeşin iştirakı ilə hazırlanıb. Mahnı "This One’s For You" adlanır.
Turnirin rəsmi mahnısı "Stade de France"da keçiriləcək açılış və bağlanış mərasimində ifa olunacaq. Bundan əlavə cütlük iyunun 9-da Parisdə Eyfel qülləsinin altında konsert proqramı ilə çıxış edəcək.
Rəsmi mahnı hər oyundan əvvəl və sonra televiziyalarda səslənəcək və hər qoldan sonra azarkeşlərin yer aldığı hissə sələnəcək.
