AFFA-nın İntizam Komitəsi "Sumqayıt"ın məşqçisi Seymur Rəhimovu cəzalandırıb. Sportnet.az-ın məlumatına görə, buna səbəb Rəhimovun "Neftçi" ilə ev oyunun 83-cü dəqiqəsində texniki zona qaydalarını pozmasıdır.
Nəticədə məşqçi 1 oyun cəzalanıb və klub 1000 manat cərimə olunub. Üstəlik komandanın 5 üzvü "sarı" aldığı üçün klub 1000 manat, 80-ci dəqiqədə meydan sahibi azarkeşləri tərəfindən meydançaya kənar əşyalar atılması səbəbindən 2000 manat cərimənib.
"İnter" – "Zirə" matçında qonaqların 4 futbolçusu sarı vərəqə ilə cəzalandığı üçün klub 1000 manat ziyana düşüb.
Turun "Kəpəz" – "Qəbələ" matçında "qırmızı-qaralar"ın 5 futbolçusu sarı vərəqə ilə cəzalandığı üçün klub 1000 manat cərimə edilib. Oyunun 75, və 85-ci dəqiqələrində "Kəpəz" klubunun azarkeşləri tərəfindən meydançaya kənar əşyalar atıldığı üçün klub 2000 manat ödəyəcək.
