Mayın 30-da "MYVİDEO” TV-də Fransada keçiriləcək Avropa çempionatına həsr olunan "Futbol Dalğası” verilişi canlı yayımda efirə gedib.
Sportnet.az-ın məlumatına görə, Araz Əhmədovun aparıcısı olduğu verilişdə ekspertlər - Sportnet.az-ın redaktoru Mehman Süleymanov və "Zirə" klubunun U-19 komandasının baş məşqçisi Fizuli Məmmədovla yanaşı, "Qaynar.info” saytının idman redaktoru Səbuhi Tofiqoğlu iştirak edib.
Çempionlar liqasının finalı, yığmamızın yoldaşlıq görüşləri haqqında söhbət açılan proqramda, iyunun 10-da start götürücək Avropa çempionatında komandaların şansları dəyərləndirilib.
Qeyd edək ki, "Futbol Dalğası” verilişi hər həftənin bazar ertəsi, "MYVİDEO” TV-də saat 18:30-da yayımlanır.
