"Qəbələ" polşalı qapıçısı David Petrjkeviçi heyətində saxlayıb. Sportnet.az-ın məlumatına görə, "qırmızı-qaralar" 28 yaşlı qolkiperlə başa çatan müqaviləni daha 1 illiyə uzadıb.
Əvəzində Pavel Paşayev komandadan ayrılıb. Müqaviləsi başa çatan Azərbaycan millisinin müdafiəçisi hazırda sərbəst futbolçudur və onunla yeni müqavilə imzanması variantı real görsənmir. Əsas heyətə düşə bilməyən, debütü yalnız mövsümün sonunda reallaşan Paşayevin gedişi daha məqsədəuyğun sayılıb.
Xatırladaq ki, "Qəbələ" ukraynalı qapıçılarından Dmitri Bezotosnı ilə başa çatan müqaviləni uzadıbsa, milliləşdirilən ukraynalı qapıçı Aleksey Popoviçlə qarşılıqlı razılıqla yollarını ayırıb.
