Bakının "İnter" klubu "Xəzər Lənkəran"da çıxış etmiş qapıçı Orxan Sadıqlını heyətinə cəlb edib. Sportnet.az-ın məlumatına görə, bu barədə "Report"a paytaxt təmsilçisinin prezidenti Rəşad Qasımov açıqlama verib.
O, 23 yaşlı qapıçı ilə bir illik müqavilə imzalandığını bildirib. Əvəzində "bankirlər" gürcüstanlı Georgi Lomaya ilə yollarını ayırıb. Təcrübəli qolkiperlə başa çatan müqavilə uzadılmayıb.
Qeyd edək ki, "İnter" mövsüm başa çatdıqdan sonra Səlahət Ağayev, Denis Silva Kruz, İlkin Qırtımov, Slavik Alxasov, Samir Zərgərov, Abbas Hüseynov, Tərlan Quliyev, Ağabala Ramazanov, Elnur Abdullayev, Pərdis Fərcad-Azad, Rauf Əliyev, Şahin Zəkiyev, Sərtan Taşkın, Aqşin Quluzadə, Mirhüseyn Seyidov və Nizami Hacıyevlə müqavilə imzalayıb. Kamran Ağayev, Elşən Poladov, Vüqar Nadirov və Yuri Fomenko ilə yollar ayrılıb.
