"Qəbələ"nin yeni transferi Nika Kvekveskiri hazırlığa gec qoşulacaq. Klubun baş meneceri Zaur Əzizov Sportnet.az-a açıqlamasında gürcüstanlı yarınmüdafiəçinin məşqlərə Tiflisdə qatılacağını bildirib.
"Qırmızı-qaralar"ın yeni legionerinin Bakıdakı 6 günlük hazırlıq prosesində iştirak etməməsi səbəbsiz deyil. Kvekveskiri fasilə müddətində Gürcüstan milli komandasının təlim-məşq toplanbışında olub və iyunun 8-də oradan ayrılıb. Buna görə də bir müddət istirahət etməsinə imkan yaradılacaq. "Qəbələ"nin hazırlığa futbolçunun vətəninə gəlməsi onun üçün göydəndüşmə olub. Belə olan halda, Nika Gürcüstanda qalaraq paytaxtlarındakı 10 günlük təlim-məşq toplanışında iştirak edəcək. Bu, iyunun 16-dan 26-dək olacaq.
"Qırmızı-qaralar"ın satmağa hazır olduğu əcnəbi hücumçular - ukraynalı Aleksey Antonovla estoniyalı Sergey Zenyovun Bakıya gəlmələri nəzərdə tutulub. Ancaq onlarla əməkdaşlığın hansı formada olacağı bəlli deyil və bu, danışıqlar nəticəsində müəyyənləşəcək.
Qeyd edək ki, "Qəbələ" Andrey Popoviçlə yollarını ayırandan sonra baş məşqçi Roman Qriqorçukun səərncamında 2 qapıçı qalıb. Bunlar ukraynalı Dmitri Bezotosnı ilə polşalı David Petrjkeviçdir. Ukraynalı mütəxəssis hazırlığa daha 2 qapıçını "Qəbələ" futbol Akademiyasından cəlb etməyi nəzərdə tutub.
