Türkiyə millisinin kapitanı Arda Turan türk xalqından üzr istəyib. Sportnet.az-ın məlumatına görə, yığmanın lideri AVRO-2016-da startda məğlubiyyətdən üzüldüyünü bildirib.
Xorvatiya ilə matçda ümidləri doğrultmayaraq 65-ci dəqiqədə əvəzlənən Turan bərabət qazanacaqlarına inanır: "Türk xalqından üzr istəyirəm. Mən yaxşı oynaya bilməsəm də, komanda yoldaşlarım sonadək mübarizə apardılar. Xal qazanmaq üçün əlimizdən gələni etdik. Ancaq Xorvatiya yaxşı komandadır. Qrupdan çıxmaq mübarizəmizi davam etdirəcəyik. Bunun üçün özümüzü toparlamalıyıq. Ümid edirəm ki, növbəti matçda İspaniyaya qarşı yaxşı oynayaraq istədiyimiz nəticəni əldə edə biləcəyik".
