"İnter”in hazırlıq planlarında dəyişiklik olub. Klubun seleksiyaçı məşqçisi Zaur İsmayılov Sportnet.az-a açıqlamasında Türkiyədə hazırlıq mərhələsinin bir qədər sonraya keçirildiyini bildirib.
Bununla da "bankirlər” əvvəlki illərdən fərqli olaraq təlim-məşq toplanışına qardaş ölkədə bir araya gəlməklə başlamayacaq: "Məlum olduğu kimi, çempionatımızda növbəti mövsümdə 10 yox, 8 komanda iştirak edəcək. Buna uyğun olaraq hazırlıq planlarımız dəyişdi. İlk olaraq Bakıda hazırlıq keçəcəyik. İyunun 25-də paytaxta bir araya gələcəyik. Türkiyədəki təlim-məşq toplanışımız qüvvədə qalır. Bunun iyulun 10-a kimi reallaşdıracağıq. İki həftəlik toplanışda bir neçə yoxlama oyunu keçirəcəyik. Rəqiblər hələ ki dəqiqləşməyib”.
Xatırladaq ki, "İnter" Avropa Liqasına vəsiqə qazansa da, legionerlərə olan borclarına görə UEFA tərəfindən bir mövsümlük avrokuboklardan kənarlaşdırılıb.
