"Yeni transfer etdiyimiz futbolçular qısa müddətdə baş məşqçinin tapşırıqlarını lazımınca yerinə yetirdilər. Biz Viktor Mendini tapmışıq. Bu, Teo Viksdir. O da afrikalıdır, sadəcə ölkələrində fərq var". Sportnet.az-ın oyunda olan əməkdaşının məlumatına görə, bu fikirləri "Qəbələ"nin vitse-prezidenti Fariz Nəcəfov Avropa Liqasında Gürcüstanın "Samtredia" klubu ilə oyundan sonra jurnalistlərə açıqlamasında bildirib.
O, səfərdəki cavab matçında təhlükəsizlik məsələri ilə bağlı rəqib klubun rəhbərliyi ilə söhbətləşdirklərini bildirib: "Gördüyümüz kimi, burda hər şey sabit oldu, gözəl atmosfer vardı. Eyni şeyi orda gözləyirik".
Nəcəfov ilk oyuda belə nəticəni gözləmədiklərini bildirməklə yanaşı, növbəti mərhələ haqda hələ düşünmədiklərini də sözlərinə əlavə edib: "Hələ növbəti rəqib haqda heç nə deyə bilmərəm. İkinci təsnifat mərhələsinə keçəcəyimiz halda rəqib bilinəcək. Hansı komanda düşəcəksə, onunla oyuna ciddi hazırlaşmalıyıq. Yeni hücumçu almaq fikrimiz indidən yox, əvvəldən var. Axtardığımız futbolçularımız var. Sadəcə, müəyyən razılıq əldə olunmalıdır. Namizəd avropalı da var, afrikalı da. Ola bilər ki, həmin yeni hücumçu ikinci təsnifat mərhələsini həyata keçirdik".
Vitse-prezidenti yeni legionerlər haqda dəqiq qiymət vermək üçün müəyyən zamanın keçməyini vacib sayır: "Onlar komandaya tam uyğunlaşmalıdırlae. Həm də nəzərə alsaq, "Qəbələ" əyalət komandasıdır. Futbolçunun orda qalması çətin olur. Buna görə də gözləmək lazımdır".
Xatırladaq ki, seneqallı hücumçu Viktor Mendi "Qəbələ"nin tarixində bombardiridir.
