Türkiyənin Kartepe bölgəsində təlim-məşq toplanışını davam etdirən "Sumqayıt" bu gün yoxlama görüşündə Türkmənistanın "Balkan" klubu il qarşılaşacaq. Sportnet.az-ın məlumatına görə, Aqil Məmmədovun rəhbərlik etdiyi komanda əvvəllər "Nebitçi" kimi tanınan rəqiblə Bakı vaxtı ilə saat 18:00-da üz-üzə gələcək.
Bu görüş "Sumqayıt" üçün 5-cü olacaq və "Gənclik şəhəri" təmsilçisi bununla da yoxlama görüşlərini başa vuracaq.
Qeyd edək ki, "Sumqayıt" ilk hazırlıq oyununda "Perspolis"ə 2:3 hesabı ilə məğlub olub. İkinci qarşılaşmada Özbəkistanın "Bunyodkor"una 1:0 hesabı ilə qalib gələn Tərlan Əhmədovun komandası Batumi "Dinamo"su ilə görüşdən 2:2 hesablı heç-heçə ilə ayrılıb. Son görüşdə isə "Altın Asır"la sülh bağlayıb - 2:2.
