Bu gün AFFA-nın İcraiyyə Komitəsinin (İK) iclası start götürüb. Sportnet.az-ın məlumatına görə, iclas milli komandaların Mərdəkən qəsəbəsində yerləşən təlim-məşq bazasında keçirilir.
İclasda AFFA prezidenti Rövnəq Abdullayev, I vitse-prezident Rauf Əliyev, vitse-prezident Elşad Nəsirov, üzvlərdən xarici işlər naziri Elmar Məmmədyarov, AFFA Məşqçilər Komitəsinin sədri Vaqif Sadıqov, təhsil nazirinin müavini Firudin Qurbanov, "Qarabağ"ın baş məşqçisi Qurban Qurbanov, veteran futbolçular Kazbek Tuayevlə İskəndər Cavadov iştirak edib. Yalnız Mahir Məmmədov toplantıya qatıla bilməyib.
Eyni zamanda AFFA-nın baş katibi Elxan Məmmədov, Peşəkar Futbol Liqasının prezidenti Ramin Musayev, "Azərikimya" İstehsalat Birliyinin Müşahidə Şurasının sədri Muxtar Babayev və digər rəsmi şəxslər də iş başında olublar.
İclasdan sonra İK üzvləri Azərbaycan milli komandasının "Dalğa Arena"da keçiriləcək məşqini izləyəcəklər.
