"Qəbələ”nin futbolçusu Nika Kvekveskiri UEFA Avropa Liqasının qrup mərhələsinin I turunun bu gün keçiriləcək qarşılaşmasını buraxacaq.
Sportnet.az-ın klubun rəsmi saytına istinadən məlumatına görə, buna gürcüstanlı yarımmüdafiəçinin dünən keçirilən oyunöncəsi məşq zamanı zədələnməsi səbəb olub.
Aldığı xəsarət onun Belçikanın "Anderlext” klubu ilə Brüsseldə baş tutacaq görüşdə oynamasına imkan verməyəcək. Kvekveskirinin meydana nə vaxt dönəcəyi müayinədən sonra bilinəcək.
Xatırladaq ki, Topaz Premyer Liqasının IV turunun "Neftçi” ilə oyununda əzələsini dartan Elvin Camalov da bu görüşdə iştirak edə bilməyəcək. Dayaq yarımmüdafiəçisi ən azı iki həftə meydanlardan kənar qalacaq.
