"Qəbələ"nin Avropa Liqasının qrup mərhələsində ilk rəqibi olan "Andrelext" Belçika çempionatının cari mövsümündə ilk məğlubiyyətini alıb. Sportnet.az0ın məlumatına görə, Brüssel təmsilçisi 8-ci turda evdə autsayder "Vesterlo"ya 1:2 hesabı ilə uduzub.
Oyunda bütün qollar ikinci hissədə vurulub. Matşın 63-cü dəqiqəsində qonaqlar hesabı açıblar. Bundan 20 dəqiqə sonra "Anderlext"in əlcəzairli hücumçusu Sofian Hanni tarazlığı bərpa eidb. Ancaq cəmi 2 dəqiqə sonra "Vesterlo" qələbə topunu vurmağa müvəffəq olub.
Nəticədə bu komanda cari çemoiionatda ilk qələbəsini liderlərdən biri üzərində qazanıb. "Anderlext" isə 8 oyundan sonra 15 xalla 2-ci pillədə qalsa da, lider "Zulte Varegem"dən artıq 4 xal geridədir.
Xatırladaq ki, "Qəbələ" qrupda ilk turda "Anderlext"ə səfərdə 1:3 hesabı ilə uduzub.
