Kolumbiyada təyyarə qəzasından sağ çıxan Braziliyanın "Şapekoense" klubunun qapıçısı Cekson Folmann ayağını itirib. Sportnet.az-ın məlumatına görə, həkimlər qolkiperin ayağını xəstəxanada amputasiya ediblər.
O, bu gecə Medelyin şəhərində baş verən qəzadan sağ qalan 3 futbolçudan biridir. Digərləri Alan Rusşellə Xelio Sampyer Netodur.
Komandanın digər qapıçısı Markos Danilo aldığı yaralar nəticəsində xəstəxanada dünyasını dəyişib.
Qeud edək ki, təyyarədə olan 81 nəfərdən 72-i sərnişin, 9-u ekipaj üzvü olub.
