İspaniya "Deportivo"sunun futbolçusu Rayan Babel Türkiyənin "Beşiktaş" klubuna keçib. Sportnet.az-ın İstanbul təmsilçisinin rəsmi saytına istinadən məlumatına görə, hollandiyalı hücumçu ilə 2,5 illik müqavilə bağlanılıb.
Anlaşmaya əsasən, Babel cari mövsümün sonunadək 1,2 milyon avro, sonrakı 2 mövsümdə isə 2,1 milyon avro qazanacaq. Üstəlik, ona hər qazanılacaq xal üçün 4 min dollar ödəniləcək.
Qeyd edək ki, Rayan Babel əvvəllər Hollandiyanın "Ayaks", İngiltərənin "Liverpul", Almaniyanın "Hoffenhaym", Türkiyənin "Kasımpaşa" və BƏƏ-nin "Əl-Ayn" klublarında forma geyinib.
