"Bizim üçün həddindən artıq ağır oyun oldu. Futbolçularımızda fiziki yox, daha çox psixoloji yorğunlu hiss olunurdu. Üstəlik, Belarus yığması kifayət qədər güclü komandadır". Sportnet.az-ın məlumatına görə, bu fikirləri FIFA-nın I vitse-prezidenti Valentin Qranatkinin xatirəsinə həsr olunmuş XXIX ənənəvi beynəlxalq turnirdə 1999-cu il təvəllüdlü futbolçulardan ibarət Azərbaycan yığmasının baş məşqçisi Təbriz Həsənov bildirib.
19 yaşlılarımız bu gün turnirdə 9-cu yer uğruda oyunda belaruslu həmyaşıdlarına matçsonrası penaltilər seriyasında 5:4 hesabı ilə qalib gəlib. Həsənov xeyli çətinliklə üzləşdiklərini söyləyib: "Üstəlik, qol da buraxdıq. Lakin son dəqiqələrdə bəxtimiz gətirdi. Ümumiyyətlə, bütün oyun ərzində hücumda olmaq çox çətindir. Öz növbəmdə, mən də turnirin təşkilatçılarına minnətdarlığımı bildirirəm”.
