"Qəbələ"nin vitse-prezidenti Fariz Nəcəfov Azərbaycan Premyer Liqasının qarşıdakı turunda "Qarabağ"la keçiriləcək vacib qarşılaşma ilə bağlı fikirlərini bidlirib.
Sportnet.az-ın məlumatına görə, klub rəsmisi fevralın 19-da Qəbələdə saat 17:30-da keçiriləcək matçda yaxşı hakimlik və mübarizənin yalnız komanadalar arasında keçəcəyini gözləyir: "Qarabağ"la keçmiş oyunları, bəzi qarşılaşmalardakı mübahisəli epizodları müzakirə etdik. Bizi qarşıda "Qarabağ"la çox gərgin oyun gözləyir. İnanıram ki, çox maraqlı görüş olacaq və mübarizə yalnız iki komanda arasında gedəcək".
Xatırladaq ki, Premyer Liqanın lideri "Qarabağ" ən yaxın izləycisi "Qəbələ"ni 3 xal qabaqlayır.
