Bu gün İspaniya Primerosunda XXIV turun mərkəzi oyunu keçirilib. Sportnet.az-ın məlumatına görə, çempionluğa iddialı "Atletiko" ilə "Barselona"nın Madriddə az öncə bitən qarşılaşması qonaqların 2:1 hesablı qələbəsi ilə nəticələnib.
Oyunda bütün qollar fasilədən sonra vurulub. Matçın 64-cü dəqiqəsində "Barselona"nın futbolçusu Rafinya hesabı açıb. Bundan cəmi 6 dəqiqə sonra "Atletiko" Dieqo Qodinlə hesabı bərabərləşdirib. Qonaqlara vacib qələbəni lideri, kapitanı, bombardiri Lionel Messi 86-cı dəqiqədə vurduğu qolla qazandırıb.
Luis Enrikenin komandası paytaxt təmsilçisinin 8 oyunluq məğlubiyyətsiz seriyasını qırıb. "Barselona" özü isə 17 matçdır uduzmur.
Bu qələbədən sonra "Barselona" 24 oyundan 54 xalla liderliyə yüksəldib. Lakin 2-ci pillədə olan, 2 xal geridə qalan əzəli rəqibi "Real Madrid" 2 oyun az keçirib.
