"Rəqibimizi qələbə qazanması münasibətilə təbrik edirəm. Birinci hissənin sonuna yaxın bir qədər diqqətsiz davrandıq, konsentrasiyanı itirdik və bu, nəticədə öz əksini tapdı”.
Sportnet.az-ın AFFA-nın saytına istinadən məlumatına görə, bunu futzal üzrə Bosniya və Herseqovina millisinin baş məşqçisi Baro Matan 2018-ci il avropa çempionatının əsas seçmə mərhələsində Azərbaycan yığmasına 4:5 hesabı ilə uduzduqları oyundan sonra deyib.
O, millimizin qrupda bütün rəqiblərindən güclü olduğunu bildirib: "Məncə, Azərbaycan millisi qrupun favoritidir. Bu komandanın bütün rəqiblərinə qalib gəlməsi bizim üçün sərfəli olardı. Çünki ikinci yeri tutma şansımız artar”.
